羅家英80歲照樣入波　賽後凍到縮埋一角李子雄攬住送暖

　　八十歲嘅「家英哥」羅家英，早排先自爆癌病又返嚟搵佢——呢次已經係第四度。化療？佢唔制。佢嘅講法好簡單：同癌魔共存，唔需要趕盡殺絕。就係抱住呢個心態，佢跟住明星足球隊北上，仲自己揸車四圍走，想去邊就去邊，成個人精神到不得了。日前《香港明星足球隊》小紅書帳號放咗段片，見到家英哥入波嗰下真係幾神勇，帖文仲寸住年輕人：「你們有甚麼理由不努力啊年輕人！」

　　講起佢同汪明荃，兩公婆感情一向都好好。（IG@wang_liza）

　　患癌之後，家英哥揀咗豁達咁過日子。（IG@wang_liza）

　　北上踢波照入球　精力唔輸後生仔

　　近日《香港明星足球隊》小紅書帳號分享咗一段羅家英踢波嘅片段。片入面，家英哥着住明星足球隊套桃紅色球衫，頭巾包到實一實，肚腩係有少少，但以八十歲嚟講，身形同精神狀態都keep得唔錯。佢喺球場上慢慢行，唔急唔搶，淡定睇清形勢；雖然冇後生仔咁勇猛去搶波，但行到龍門旁邊嗰陣，個波啱啱碌到佢腳邊，佢即刻起右腳篤入龍門，反應快得緊要。入咗波之後，隊友一個二個上前同佢擊掌慶祝。小紅書帖文就寫住：「80歲老將羅家英都還在進球，你們還有甚麼理由不努力啊年輕人！」

　　汪明荃同羅家英出雙入對。（IG@wang_liza）

　　兩公婆狀態極佳。（IG@wang_liza）

　　八十歲大壽　明星足球隊盛大慶祝

　　賽後李子雄訪問家英哥，家英哥老實唔客氣，直接話係李子雄「故意把球打到別人的腿，所以球彈過來給我」。鏡頭一轉，見佢着住雨衣縮埋喺一旁，睇落真係好怕凍，李子雄見到就上前攬住佢，畀啲溫暖佢。咁啱又係家英哥八十歲大壽，明星足球隊成員幫佢搞咗個盛大生日宴，除咗送上大利是，好友吳岱融仲大力咀咗家英哥一啖，圈中人緣有幾好，呢幕已經講晒。

　　汪明荃羅家英初一團拜合照好震撼﹗（IG：@wang_liza）

　　四度罹癌坦然面對生死　阿姐係最強後盾

　　鏡頭前精靈活潑嘅家英哥，背後其實一直承受住病魔嘅考驗。早前佢親口證實，自己第四度罹患癌症。翻返佢條抗癌路，2004年同2014年先後確診肝癌，2019年又中前列腺癌，到近期再復發。面對今次呢一關，家英哥揀咗極度豁達嘅態度：放棄辛苦嘅化療同電療，改為食藥同注射女性荷爾蒙控制病情。醫生評估，佢剩返大約八至九年時間。

　　佢仲坦坦蕩蕩咁承認，切除前列腺之後已經失去性慾；多年嚟抗癌使唔少積蓄，加上冇買保險，經濟壓力其实唔輕。好彩身邊一直有愛妻汪明荃（阿姐）不離不棄，兩個人互相扶持，抱住「求共存非消滅」嘅心態迎戰癌魔。呢種看透生死嘅從容，講真，唔係人人做得到。

　　羅家英北上神州踢球。（《香港明星足球隊》小紅書影片截圖）

　　羅家英入球！（《香港明星足球隊》小紅書影片截圖）

　　羅家英反應極快！（《香港明星足球隊》小紅書影片截圖）

　　羅家英成功入球。（《香港明星足球隊》小紅書影片截圖）

　　羅家英為隊立功。（《香港明星足球隊》小紅書影片截圖）

　　羅家英精神充沛。（《香港明星足球隊》小紅書影片截圖）

　　羅家英指全靠李子雄幫手。（《香港明星足球隊》小紅書影片截圖）

　　羅家英80歲大壽獲大批圈中好友慶祝。（《香港明星足球隊》小紅書影片截圖）

　　明星足球隊成員很寵羅家英。（《香港明星足球隊》小紅書影片截圖）

　　羅家英獲獻吻。（《香港明星足球隊》小紅書影片截圖）